Collumn Maart; Bier haalen!!.

Vrogger, toen een kettingzaag nog een knetterbiele was en een stofzuuger een huulbessem.
Vrogger, toen de mannen nog van stoal waren en de schepen van holt.
Vrogger, toen seks nog vies was en het water helder en schoon.
Vrogger, toen de veters nog in schoenen zaten in plaats van in oe reet. Vrogger toen zoepen héél normaal was en wûlle schijnt vølle te zoepen.

Ff doarover het volgende: Sallanders bûnt een sociaal volkje. Stoat meestiet veur elkander kloar. Leent wûlle een kopje sûûker bi-j de buren stoat wûlle het weekeinde erop rustig 6 kuub zand veur disse buren uut de tuin te scheppen.  Dat heet oaver en weer ofwel hen en weer ofwel burenplicht.

Wanneer wûlle Sallanders onze neuze buuten onze veurdeur stekt of onze kop in ons plaatselijke café dan geld onze sociale Sallandse ûmgangsregels. Zegt netties Goeiendag en geeft de  meeste tiet een røndje. Dat vroag ie niet,  dat doe ie. Røndjes geven is veur Sallanders het sociale smeermiddel. Sallanders wilt er graag bi-j heuren en vertelt dat met dat éne røndje: Ik vind jullie het meest geweldige die d'r bûnt en doarom gooi ik er er een paar tientjes tegen an. Vrinden !! Zo dût Sallanders dat. Stoa ie met twintig man bi-j elkander smokst alle twintig  Sallanders op en neer noar de bar um te zørgen dat anderen niets te kort komt. Gevolg: Alle Sallanders stoat in no-time met vier glazen bier in de hand. Zoepen...kreng !! Hier geet het niet ûm drinken, hier geet het oaver iets heel anders:

De zelf opgelegde sociale verplichting.  Met als gevolg dat er heel heel vølle bier op alle toafels kump te stoan zonder dat er ook maar iemand an komt. Kiek noa afloop noar een Sallands feest eens noar dat slagveld. Onnûûmlijk vøl  glazen bier. Glazen woar nooit iemand an is gewest en woar niemand ooit van zal drinken. Trek ie die verloren glazen af van die zogenaamde hoevølheid die de Sallander weg zôl werken blieft er bar weinig oaver. Vanaf vandaag of morgen wat minder halen of noar behoefte, 't kost al zat,  jammer veur de kastelein ...   goed veur oe eigen portemonnee...

GoedGoan & Amen