‘T kan altiet nog slechter…

Zo, old en nieuw hebt wûlle weer gehad. Mien feest was het niet. Ik word altijd wat weemoedig rond de klok van twaalf. Als buut’n alle prullenbakken de lucht in goat, vingers van handen worden gerukt en ogen uut kassen word gebloazen en binnen wordt getoost, gekust, geknuffeld en gelukwenst, giet ik fles noa fles gerstenat achteroaver, niet um het te vieren, maar um de scherpe randjes van zowel m’n anstellerige nostalgie veur wat veurbi-j is, als de angst veur de onbekende, onbetrouwbare toekomst af te zoepen.

Als ie het mi-j vroagt, kun ie mensen in twee groepen verdelen: zij die 31 december om middernacht de geboorte van het nieuwe joar viert en zij die dan rouwt alsof het de crematie van het olde joar is. Ik heur bi-j die letste groep. Natuurlijk, het joar had zi-jn ups en downs, en zelfs al was het 365 dagen ruk wat de klok sloeg, noa verloop van tiet wist ie in ieder geval wel zo’n betje wat ie an dat joar had.

Van het nieuwe joar mot ie altiet nog maar zien wat het wordt. Die eerste paar uurtjes bûnt natuurlijk nog leuk, met oe bolle oliebollenboek, anderhalf krat pils die deur oe aderen dendert en een dikke Cubaanse sigaar die oe neusvleugeltjes triggert. Ook de dagen ernoa zôl ie ondanks oe kater het gevûûl kunnen hebben dat alles – in positieve zin –  nog mogelijk is.
Het nieuwe joar is dan als een pasgeboren baby. Gin verleden, allenig maar de toekomst. Ie hoopt op het allerbeste veur dat schattige hompie mens. Projecteert er al oe onhaalbare dreumen en onredelijke verwachtingen op. Zelf kan het nog gin éne reet – joa, schijten  en janken – maar als jij héél, héél, héél erg hard oe best doet, wordt het vast een nerd op school en een virtuoos op de triangel.
Maar zo geet het natuurlijk nooit. Want ondanks al oe goede bedoelingen maak ie fouten en keuzes die niet al te best bûnt. Bovendien heb ie niet alles zelf in de hand. Stom toeval en de genen van zo’n kind, bi-jvoorbeeld. Dus veur ie het wet, is het achttien en stemt het op linkse rakkers zoals…..GroenLinks..of Partij v/d Dieren…. Of zit ’t onder de brug de armen vol te spuiten.  Misschien opent het op het schoolplein wel het vuur op z’n klasgenootjes en de juf, omdat e word gepest ,  met zi-jn hazenlip, luis, obesitas,  x-benen, zwemexceem,  acné, uutslag in de schaamstreek, stinkbek, zweetlucht.
Ik snap het dus wel, dat mensen bli-j bûnt dat het olde joar veurbi-j is, maar ik begri-jp niet dat ze keer op keer weer verwacht dat het nieuwe joar better zal worden. Want ie kan het zo gek niet verzinnen, of het kan altiet slechter.
GoedGoan, de “beste wensen” & Amen