Bemoei ow met oe eigens…

D’r is nix slimmer dan mensen die denkt dat ze wat bûnt, maar dat ze dat eigenlijk helemaal niet bûnt. I-j hept wel’s van die feessie’s, met van die verschrikkelijke kearls en wiefe, die zit te lurken an hun wien. Die type’s die doet of ze skik hebt, die types die noast oe in ’t café stoat , maar die niet dronken word. Rot op, ik stoa hier te zoepen, goa thuus lekker lastig weazen.
Volk die noast hun schoenen loopt, met hun strakke pak en hun stropdasken  veur. Die bekakt stoat te proaten en als i-j de bek los trekt, direct denkt; wat bûn i-j een boerenlul. Joa, dat klopt en doar bûn ik trots op. Als i-j op zundag oaver stroat loopt met oe klompen an, ze oe achternoa zit te loeren.
Als i-j in de stad loopt, per ongeluk van oe af zit te boeren of een olderbastende scheet mot loaten, dat ze dat niet normaal vindt. An dat  soort volk heb ik een olderbastende hekel an.  Dat ‘soort’volk mot zich eigenlijk dieper schamen dan dat wûlle doet. 
Loat iedereen in zijn eigen waarde gvd. Als ik op een feessie  een stuk in de kloten wil zoepen, loat me dan.
Als ik een bepaalde mening oaver iets heb; loat mi-j dan ook uutspreken en onderbreek mi-j dan niet of goa dan ook niet onmiddellijk oaver iets anders proaten omdat i-j het dan zogenaamt niet interessant genôg vindt. Bemoei oe met oe eigen en niet met mie..Iedereen is anders en anders is iedereen.

Goedgoan en AMEN !