Collums Boer Kloete - 2015 April - "Achter wolken”
Achter wolken….
’T Is zover….ieder veurjoar gebeurd ‘t weer bi-j mi-j….Mot de klok nu veuruut of achteruut, en inderdaad ’t is veurjoar…dus …veuruut !!.
‘T is April !!.. Ook wel de grasmoand, poasmoand of eiermoand. Mensen met hooikoorts proest en snoeft d’r heel wat of…tranende / rooie oogjes en lopende lek en snotter- neuzen. Gatver…
Noa de ellenlange duustre moanden van dikke eigensgebreide wollen sokken, boerenkool met worst, liters Beerenburg en ellenlang gedram oaver de politiek, is het eindelijk lente in Salland. Wat een “schril” zonnetje en een datum al niet kunt doen. Maar wat een trieste bedoeling…met de palmpoasenoptocht waait oe de broodpoashazen um de oren….de bomen waait met wortel en kont uut de grond…en hagelstenen zo groot als skippyballen komt met bakken tegeliek uut de lucht vallen. Wilde ideeën kriegt ’t volk in de kop , umdat ’t dan eindelijk veurjoar is…langzaam denken an de veurjoarsschoonmaak. Wat ? Schoonmaken….niet dus …met dit weer heb ie maar an 1 ding zin…en dat is met oe luie kloten op de banke ligg’n en loeren noar die vierkante beeldbuis. –Lentekriebels noemt ze dat…ha..lentemoeheid !! !. Een prachtig woord dat exact aangeeft wat de bedoeling is. Ik kri-jg er de kriebels van….maar binnenkort word alles anders… als er maar ’n klein zonnestraaltjen deur die donk’re wolken hen kan komm’n, want dan zit de terrassen weer vol met bibberende bierdrinkers,de bouwvakkers fluit weer als d’r weer een deerntje veurbi-j kump op ‘n fietse. Vogels maakt hun nest en lammetjes huppelt in de wei…ofnietdan..
Het nieuwe seizoen start veur velen pas echt als we met veurjoarswerkzaamheden als kunstmest strooien, zaaien en onkruudbestrijding an de slag kunt . Het veurjoar maakt sommige boeren nerveus .In het vrogge veurjoar word akkerbouwers nerveus want ze wilt noa de lange winterpauze an de slag. Ze bûnt echter afhankelijk van de weersomstandigheden en mot lijdzaam wachten tot het land zodanig is opgedroogd dat ze het zaaiklaar kunt maken. . maar ook dat kump goed….reken doar maar op, want achter de donkerste wolk.. kump altiet de zon… Ook ie komt uut die veurjoarsdip en ziet binnenkort alles weer vrolijk in….
Zo blijkt dat we toch, ondanks dat ie vaak anders zou vermoeden, een positief volkje bûnt . Dus al is het nog wat frisjes en nat: hulde an de Sallandse lente.