Soms bûnt d’r in oe leaven momenten, dat i-j denkt;  Loat iedereen is ff normaal doen. Loat mi-j ’s ff met rust en bemoei ow met oe eigen leaven.  Dat i-j denkt, dat iederéén zich met oe wil bemoeien en dat iederéén oe zegt; wat i-j mot doen en vooral wat i-j niet mot doen. Dat mensen um oe hen,  oe het gevûûl geeft, dat ze niet ’t beste met oe veur hept. Op die momenten denk ik; FUCK YOU !!
Ieder mens mot zich kunnen uiten. Maar dan niet tegen mij…..

Ik , Boer kloete, werd afgelopen zûndag um negen uur wakker. Wilde opstoan, maar besloot om nog te blieven liggen. ’t Was buuten ’t bed kold en in’t bedde nog lekker warm. En ik ging weer sloapen. Om 12 uur werd ik weer wakker. Ik wilde opstoan, maar koos toch um te blieven liggen. Pas om drie uur nam ik afscheid van mien rustgevende en inmiddels olderbastende stinkende bedde.
Uutsloapen. Ik had ’t nog nooit gedoan. In ieder geval niet zo lange.  Effen niet op willen stoan, effen gin zin in um de dag te beginnen. Effen gin zin um noar ’t werk te goan. Effen niet ’t gezeik van de baas an te heuren of van ow eigen wief of ’t geblaat van kinder in de spöltuin. Als i-j dat doet, vûûl i-j ow dan schuldig of juust niet?  Of vûûl i-e  oe juust prettig. ’t Mag eigenlijk niet, maar ’t was wel ff fijn. An alle oorlogen in de wereld kun i-j toch nix doen, dus trek de dekens maar weer tot an ow kinne.

I-e könt ’t in oe ééntje doen, maar ook samen. Lekker de hele dag in bedde blieven stinken. Sloapen, tv gapen, geheime zender luustr’n of lekker anrommel’n. An of in . Niet noar de kroeg goan, niet noar de mooien Parochiekerke goan, niet noar de sport of ow muziekvereniging goan, niet noar ow klotenbaas goan, niet noar de melkputte goan. Maar uutsloapen, lekker ’n gat in de dag sloan . Wil i-j vrolijk deur ’t leaven goan. Dan mot  i-j af en toe  uutsloapen en ow van gin éne iemand ook maar iets antrekk’n.

GoedGoan en Amen