I-j heurt olde leu steeds vaker klagen. De jeugd van disse tied denkt allenig maar an zichzelf. De jeugd dut nix meer veur de medemens. Vrogger was ’t gemeenschapsleaven, veural in de kleine kernen heel belangrijk. I-j zaten bi-j ’n vereniging als je jong was en als i-j older werden deed i-j bi-j die vereniging vrijwilligerswerk. Iedereen deed dat. Dat was heel normaal.
Tegenwoordig hept verenigingen als voetbal, volleybal, muziek, een zwoar tekort an vrijwilligers. Want wie wil zich doar nog veur inzetten. I-j hept toch wel wat betters te doen. ’T Volk is druk met zichzelf of hept gin zin.
Niet allenig de vrijwilligers loat ’t afweten, ook het aantal leden zelf. De interesse verplaats zich noar de computer, laptop telefoon gezapp, getwitter en geapp ofzo…De hobby’s spölt zich online af en communiceren met mekare gebeurt al helemaal niet meer.

Zo is ook in disse verkiezingstied ’t aantal leden bi-j de politiek partijen ook ver te zoeken. Vooral umdat  de mensen al helemaal niet weet op wat veur partij ze mot kiezen. ‘K hep de politiek de letste tied ook ’n betje van de zijlijn gevolgt en ben ’t steeds meer eens met Bennie Jolink’s politieke betoog op hun site van Normaal. Zo ook ’t gezeik oaver zijn kunstwerk met Adolf, Breivik en Wilders. Wat ik mot kiezen, ik bûn d’r nog niet uut. ‘K zal ’t allemaal nog volgen, maar ook bi-j disse politieke partijen kunt ze dus niet zonder die vrijwilligers.
Zonder vrijwilligers kan d’r hoast nix meer op poten gezet worden en hoast nix georganiseerd worden. Zo geet er een hoop feesten en verenigingen noar de kloten op korte termijn.

Dus.. wat ik dus eigenlijk wil zeggen; hulde an alle vrijwilligers, woar dan ook. Wees d’r blij mee en loat dat ook merken an al die mensen. In de zorg, politiek, verenigingen, sport of waar dan ook..Hulde

Goedgoan en AMEN