De provider van de kpj -site weet wel woar wûlle van holt. 'N Goeie'n vetten intro. Doar hôl ik, Boer Kloete, ook wel van. Woar 'k ook van hôl? Dat't lentegevûûl eindelijk ons kolde kikkerlandjen binnendringt. I-j merkt 't an alles, lammetjes in den weide, bloempjes komm'n langzaaman uut't knopjen. Motoren word weer uut de schuur getrokken en knapt weer oaver de mooie Sallandse bochtige binnenwegen.Cabrioautomobielen en bootjes op den Iessel. En heel af en toe hoop i-j dat de zon zo fel schi-jnt dat de deerntjes hun kortsten rokjes onderuut de kaste haalt. Dan word 't weer genieten langs de weg. De tentfeesten komt d'r ook weer an. Eén van die mooisten is toch 't Rodeoweekend van de Kpj. Deelnemers hebt zich massaal angemeld veur die autotegenmekanderanknapwedstrijd. Da's mooi, da's heel mooi, maar dat d'r ook wat valt te genieten in de tente is ook mooi. Met Mooi Wark en de Schlagerfreunden hebt die jong'n van de kpj een merakels mooi programma neergezet en doar nem ik de pette toch veur af. Succes in dat weekend en merakels vûlle skik, ik komme nog wel efkes an. Goed Goan en AMEN.